18.
| 1 | Quid dicam quod etiam Eliam Iezabel cruente persecuta est (III Reg. XIX, 1 et seq.)? quod Ioannem Baptistam Herodias fecit occidi (Matth. XIV, 3 et seq.)? Singulae tamen singulos, mihi quo minora longe merita, eo tentamenta graviora. |
| 2 | Virtus infirmior, sed plus periculi. |
| 3 | Succedunt sibi mulierum vices, alternantur odia, commenta variantur, seniores conveniuntur, praetexitur regis iniuria. |
| 4 | Quae ratio igitur est adversus hunc vermiculum gravioris tentationis, nisi quia non me, sed Ecclesiam persequuntur? |